#حوار_مع_سلفي_في_المسجد

المهم جاء شخص لا أعرفه يلبس كمامه تظهر لحيته بطولها ينظر بعين ممتلئة بالنفور والغضب والشدة وجرى الحوار كما يلى

الشخص السلفي اي يا شيخ قولتله اهلا وسهلا بحضرتك وكان في يدي دفتر الاحوال تركته واتجهت لحضرته اشوفه

الشخص السلفي قال انت بتعمل حاجات غلط مش على السنه

انا بطبعتي مبتسم فابتسمت وهنا أقول

اول حاجه في شخصية السلفي غالبا لا يحترم الانسانية ولا يقدر أحد وهذا في الغالب الا من رحم الله ودا ظاهر في حدقة عينه اوصرامة النظرة وتمويه الوجه وانا لسه بقوله حضرتك ويا سيدي وهو بيقولي انت بغض النظر ان دا مبيفرقش معايا بس انا بتكلم عن الذوق العام لانه في الحقيقة جاي مستنفر جدا من الغلط اللي انا بعمله على حسب اعتقاده فالشخصيه السلفيه شخصية تجعل نفسها دايما مكان وكيل النيابة #توجيه_اتهامات

المهم ابتسمت وقولتله هو ايه اللي مش على السنه

قالي بتأذن اذانيين ليه هو أذان واحد قولتله بس دا على السنه فاندهش كده وقال ازاي يعني قولتله الاول هتلاقى حضرتك حافظ حديث عليكم بسنتي وسنة الخلفاء صح قالي اه عارفه قولتله طيب الأذان التاني جه منين قال منيين قولتله انا بسألك قالي معرفش قولتله طب مين اللي امر به قالي مين قولتله سيدنا عثمان بن عفان وهو احد الخلفاء الاربعه وعايز اقول حاجه

الشخصية السلفية كل شغلها عن الدين مجرد تصورات او بمصطلح علمي لم يصل فيه إلى درجة الوهم حتى

يعني شخصية جاهلة بما تسمع وما تفهم وما تقول وانا لا اقصد هنا اساءة مطلقا بل الجهل بمصطلح اهل العلم او الاصوليين يعني #شخصية_تتسم_بالجهل

المهم كملت معاه وانا ببتسم وهو حادق بعينيه فقولتله وسيدك النبي قالك عليكم بسنة الخلفاء يعني انا على السنة ولا لأه حضرتك قالي على السنه قولتله تمام رجع قالي بس قولتله بس ايه قالي كان فيه سبب أكيد قولتله السبب ايه سكت وعايز اقول حاجه الشخصية السلفية شخصية تتشبع بالهوى النفسي يعني بيتبع هواه يعني مع اني قولتله سنة ولا مش سنة قال على السنة بردو مش عاجبه وبيقول بس

يعني شخصية السلفي #إلهه_هواه

كملت وقولتله السبب المهم بردو قالي بس دلوقتي خلاص مبقناش محتاجين نخبر الناس قولتله لا بالعكس بقا الناس اشد بعدا وانشغالا قولتله شوف الناس قبل الاذان اللول وبعد الاذان التاني قالي اه صحيح وهنا اقول الشخصية السلفية تتمتع بالجدال العقيم #جداله_مميت

المهم كلمت كمان عن مذهب الدولة والولاية العامة

ورجعت اضفته المذاهب الفقهية اللي اكيد مش هيعجبه لان يتبني فقه الدليل قولتله ومع ذلك من صلي بأذان كالذي صلى بأذانين ولا خلاف بينهما والصلاة تامة

يعني في دائرة الجائز وهنا حابب أقول الاحكام الشرعية محصورة عند الشخصية السلفية في الواجب والحرام وميعرفش لا خمسه ولا سبعه ولا حتى انها تصل لتسعة أحكام ودي كارثه من الكوارث عند الشخص السلفي

فالسلفي عنده أحادية الحكم #يا_ابيض_يا_أسود

المهم كملنا وخلصنا الاذان ودخلنا انت ليه بتصلي بين الاذان الاول والتاني والله بيتكلم بأسلوب حاد

المهم جاوبته بنفس الاسلوب

ولكن الحمد لله حل عني وانتقل الي مرحلة أخرى وهي

الناس اللي بتصلى في المسجد

وأول شيء الناس دي مش ملتزمة مش عارفه حاجه وبيعملو حاجات غلط

خلى بالك كل ملاحظاته ساعة خطبة الجمعه

الملاحظة الاول واحد ماسك السبحة بيسبح واحد مشبك اصابعه واحد كان ماسك المصحف بشماله ودا قبل الاذان

بصراحه انا ضحكت على دي يعني ايه ماسك المصحف بالشمال

بس هو مخدش باله من حاجه ازاي حضرتك قاعد في الخطبه بتراقب كل الناس دي لدرجه انه شاف مصلي من المصلين ماسك المصحف بايده الشمال

سبحان الله تتهم بتهمة تحمل انت اشد منها وهنا الشخصية السلفية #شخصية_متسلطة_بتراقب_خلق_الله

كملت وفهمت حضرته ان خذه الامور لها مكان مخصص

وان لكل مقام مقال ولكل سياق كلام وان المنبر للامور التي تخص الشأن العام وان الفقه وغيره من هذه الامور مكانها في درس في المسجد في محفل علم مثلا

ودي حاجه مهمة الشخصية السلفية جاهلة حاجه اسمها

#علم_الدعوة_الاسلامية بالمناهج والاساليب والوسائل

ولا يدرك من الدعوة الا تخويف الناس وبث الرعب بينهم

#شخصية_بتخوف_الناس_من_ربنا

المهم كمل كلامه فقلي مفيش واحد فيكم طلع مره اتكلم عن اداب المسجد قولتله لا انا شخصيا اتكلمت هنا وفي مسجد ووزارة الاوقاف نزلت خطبة عن الاداب في الاسلام

المهم سكت وفي نفسي كده ليته يسكت بقا عشان اتأخرت على عربيتي وانا على سفر

كمل كلامه وقالي مبتقولش ايات التقوى ليه في اول الخطبة

قولتله الوقت لا يستدعي وانا اقتصر على الحمدلة والشهادتين والصلاة على سيدك النبي صلى الله عليه وسلم

قال بردو ولو تذكر ايه حتى دا الخطبة مفهاش ولا ايه تقوى طبعا عايز الم الدور عشان اتأخرت عن موعد السفر قولتله حاضر وابتسمت وسلمت عليه وانصرفت

الشيء الاهم والاكبر بقا ان الخطبة كانت عن كف الاذي عن الناس

وهذا الشخص كل كلامه كان أذي واتهامات في حقي وحق الناس وكانه لم يسمع من الخطبة شيء .

هذا ما دار بصدق والله شاهد

وانا حللت الحوار بحسب ان شخصية تحليلية والامر كان يستدعى ان اطرحه وليس في قلبي من وراء ذلك شيء الا ابتغاء وجه الله

والله المسئول في بلوغ المأمول

#عبدالحميد_الأزهري