- ينفع لو بتشرب وسمعت الآذان تكمل شرب؟
لا مينفعش أول ما تسمع الآذان تبطل أكل وشرب فورا .- أمال إيه الحديث اللي بيقول : إذا سمع أحدكم الآذان وفي يده الإناء فلا يضعه حتى يقضي منه نهمته !!
يعني الحديث بيقول أشرب عادي أهو ليه بقا مشربش ؟!
- الحديث دا أنكره تقريبا كل الأئمة المتقدمين زي ابن أبي حاتم في العلل وغيره .
- حتى لو الشيخ الألباني رحمه الله صححه دا في مقابل أغلب العلماء فكيف تأخذ بتصحيحه ؟
- الحديث دا بيناقض كتاب الله والأحاديث الواردة في البخاري لإنربنا قال : فكلوا واشربوا حتى يتبين الخيط الأبيض من الخيط الأسود من الفجر .
والنبي قال : كلوا واشربوا حتى يؤذن ابن أم مكتوم وكان يؤذن عند طلوع الفجر .
- ياسيدي حتى لو الحديث صحيح يُحمل إن المقصود فيه الآذان التنبيهي اللي بيبقا قبل آذان الفجر بشوية .
-وعشان كدا الأئمة الأربعة ومذاهب الأمة كلها على إنك توقف أكل وشرب أول ما تسمع الآذان .
الكتاب والسنة والصحابة وسلف الأمة والمذاهب الأربعة على عكس ما يقوله الأخ في الفيديو بتاعه دا واللي بسببه ممكن ناس كتير يبطل صومهم وهو هيتحمل الذنب أمام الله .
ليست هناك تعليقات:
إرسال تعليق